ഇരിട്ടി : നിരോധനം ലംഘിച്ചു പ്ലാസ്റ്റിക് കവറിന്റെ ഉപയോഗം തുടരുന്ന വ്യാപാര സ്ഥാപനങ്ങൾക്കെതിരെ ഇരിട്ടി നഗരസഭാ ആരോഗ്യ വിഭാഗം പരിശോധന ശക്തമാക്കി. സംപൂര്ണ പ്ലാസ്റ്റിക് നിരോധനത്തിന്റെ ഭാഗമായി വ്യാപാരികൾക്ക് അനുവദിച്ചിട്ടുള്ള സമയ പരിധി കഴിഞ്ഞിട്ടും ഉപയോഗം തുടരുന്നു എന്ന വിവരത്തിന്റെ അടിസ്ഥാനത്തിലാണ് ബന്ധപ്പെട്ടവർ മിന്നൽ പരിശോധന നടത്തിയത്. പരിശോധനയിൽ നഗരത്തിലെ 28 വ്യാപാര സ്ഥാപനങ്ങളിൽ നിന്ന് ഒരു ക്വിന്റലോളം നിരോധിത പ്ലാസ്റ്റിക് ഉത്പന്നങ്ങൾ പിടിച്ചെടുത്തു. ഇനിയും നിരോധനം ലംഘിക്കുന്നവർക്കെതിരെ നിയമ നടപടി ഉണ്ടാവുമെന്ന് ബന്ധപ്പെട്ടവർ അറിയിച്ചു.