ന്യൂഡൽഹി:രാജ്യത്ത് പ്രതിദിന കൊവിഡ് രോഗികളുടെ എണ്ണത്തില്‍ ആശ്വാസകരമായ കുറവ്.24 മണിക്കൂറിനിടെ 36,469 പേര്‍ക്കാണ് രോഗബാധ സ്ഥിരീകരിച്ചത്.ഇതോടെ ആകെ രോഗബാധിതര്‍ 79,46,429 ആയി. ഇന്നലെ 488 പേര്‍ കൂടി മരണമടഞ്ഞതോടെ മരണസംഖ്യ 1,19,502 ആയി. പ്രതിദിന രോഗികളുടെ എണ്ണം കഴിഞ്ഞ മാസം 98,000 വരെ എത്തിയതില്‍ നിന്നാണ് രാജ്യം കൊവിഡിനെ നിയന്ത്രണ വിധേയമാക്കുന്നത്.6,25,857 പേരാണ് നിലവില്‍ ചികിത്സയിലുള്ളത്. ചികിത്സയിലുള്ളവരുടെ എണ്ണത്തില്‍ മുന്‍ദിവസത്തെ അപേക്ഷിച്ച്‌ ഇന്നലെ 27,860 പേരുടെ കുറവുണ്ടായി ഇന്നലെ 63,841 പേര്‍ രോഗമുക്തരായി.ഇതോടെ രാജ്യത്തെ ആകെ രോഗമുക്തരുടെ എണ്ണം 72,01,070 ആയി. നിലവില്‍ 6,25,857 പേര്‍ മാത്രമാണ് രാജ്യത്ത് ചികിത്സിയില്‍ കഴിയുന്നതെന്നാണ് കേന്ദ്ര ആരോഗ്യമന്ത്രാലയം അറിയിക്കുന്നത്. 90.62 ശതമാനമാണ് രോഗമുക്തി നിരക്ക്.മഹാരാഷ്ട്രയാണ് ഏറ്റവും കൂടുതൽ രോഗബാധിതരുള്ള സംസ്ഥാനം.1,34,657 രോഗികളാണ് നിലവിൽ ചികിത്സയിലുള്ളത്.14,70,660 പേര്‍ രോഗമുക്തരായി. 43,348 പേര്‍ മരിച്ചു.കര്‍ണാടകയില്‍ ഇതുവരെ 75,442 പേരാണ് വിവിധ ചികില്‍സാകേന്ദ്രങ്ങളില്‍ ചികില്‍സ തേടുന്നത്. 7,19,558 പേര്‍ രോഗമുക്തരായി. 10,947 പേര്‍ മരിച്ചു.കേരളമാണ് രോഗവ്യാപനത്തില്‍ മൂന്നാം സ്ഥാനത്ത്. 93,848 സജീവ രോഗികളാണ് സംസ്ഥാനത്തുള്ളത്. 3,02,017 പേര്‍ സുഖം പ്രാപിച്ചു. 1,352 പേര്‍ മരിച്ചു.പശ്ചിമ ബംഗാളില്‍ 37,190 പേര്‍ വിവിധ ആശുപത്രികളില്‍ ചികില്‍സയിലുണ്ട്. തമിഴ്‌നാട്ടിലും ഡല്‍ഹിയിലും സജീവ രോഗികളുടെ എണ്ണം യഥാക്രമം 29,268 ഉം 25,786മാണ്.