കൊച്ചി:സ്വര്‍ണക്കടത്ത് കേസുമായി ബന്ധപ്പെട്ട് മുഖ്യമന്ത്രിയുടെ മുന്‍ പ്രിന്‍സിപ്പല്‍ സെക്രട്ടറി എം ശിവശങ്കര്‍ നല്‍കിയ മുന്‍കൂര്‍ ജാമ്യാപേക്ഷ കൊച്ചി എന്‍ഐഎ പ്രത്യേക കോടതി ഇന്ന് പരിഗണിക്കും. ശിവശങ്കര്‍ നല്‍കിയ ഹര്‍ജിയില്‍ കേസില്‍ ഇതുവരെ 11 തവണയായി നൂറ് മണിക്കൂറിലേറെ അന്വേഷണ ഏജന്‍സികള്‍ ചോദ്യം ചെയ്തതായി പറയുന്നു. പൂര്‍ണമായും അന്വേഷണത്തോട് സഹകരിച്ചിട്ടുണ്ട്. എന്നാല്‍ ഇതുവരെ തന്നെ പ്രതി ചേര്‍ക്കാന്‍ തെളിവുകള്‍ ലഭിച്ചിട്ടില്ല. ആവശ്യപ്പെട്ടാല്‍ ഹാജരാകാന്‍ ഇനിയും തയ്യാറാണ്.ഇക്കാര്യങ്ങള്‍ പരിഗണിച്ച്‌ മുന്‍കൂര്‍ ജാമ്യം അനുവദിക്കണമെന്നാണ്.ഹര്‍ജിയിലെ ആവശ്യം.