കണ്ണൂര്‍: കോവിഡ് ചികിത്സയിലിരിക്കെ പ്രതി തടവ് ചാടി.കണ്ണൂര്‍ അഞ്ചരക്കണ്ടിയിലാണ് സംഭവം. കവര്‍ച്ച കേസ് പ്രതിയായ റംസാന്‍ എന്ന ആളാണ് തടവ് ചാടിയത്.രോഗബാധ സ്ഥിരീകരിച്ചതിനെ തുടര്‍ന്ന് കണ്ണൂര്‍ അഞ്ചരക്കണ്ടിയിലെ മെഡിക്കല്‍ കോളേജില്‍ ചികിത്സയിലായിരുന്നു റംസാന്‍.ഇവിടെ നിന്ന് ഇന്ന് രാവിലെയാണ് റംസാന്‍ തടവ് ചാടിയത്. കവര്‍ച്ച കേസ് പ്രതിയായ റംസാന്‍ നേരത്തെ കോവിഡ് നിരീക്ഷണത്തിലിരിക്കെ ചാടിപ്പോയിട്ടുണ്ട്. ലോറി മോഷ്ടിച്ച്‌ കടക്കുന്നതിന് ഇടയിലാണ് റംസാന്‍ കാസര്‍കോട് വച്ച്‌ ആദ്യം പൊലീസ് പിടിയിലാകുന്നത്. അന്തര്‍സംസ്ഥാന വാഹനമോഷ്ടാക്കളുമായി ഇയാള്‍ക്ക് അടുത്ത ബന്ധമുണ്ടെന്ന് പൊലീസ് പറയുന്നു. രണ്ടാമത് പൊലീസ് പിടികൂടി നിരീക്ഷണത്തിലാക്കി. പിന്നീടാണ് ഇയാള്‍ക്ക് കോവിഡ് സ്ഥിരീകരിച്ചത്.ഇത്തവണ രക്ഷപ്പെടുമ്ബോള്‍ ഇയ്യാള്‍ നീല ടീ ഷര്‍ട്ടാണ് ധരിച്ചിരുന്നത്. പ്രതിയെ കുറിച്ച്‌ എന്തെങ്കിലും വിവരം ലഭിക്കുകയാണെങ്കില്‍ ഉടന്‍ അറിയിക്കണമെന്ന് ചക്കരക്കല്‍ പോലീസില്‍ അറിയിച്ചിട്ടുണ്ട്. ഇയ്യാള്‍ക്കായുള്ള തെരച്ചില്‍ പൊലീസ് കണ്ണൂര്‍ കാസര്‍ഗോഡ് ജില്ലകളില്‍ ഊര്‍ജിതമാക്കിയിട്ടുണ്ട്.