കണ്ണൂര്‍:ഗെയിം കളിക്കാന്‍ ഫോണ്‍ നല്‍കാത്തതിനെ തുടര്‍ന്ന് പയ്യന്നൂരില്‍ ഒമ്ബതാം ക്ലാസ് വിദ്യാര്‍ത്ഥി തൂങ്ങിമരിച്ചു.കുഞ്ഞിമംഗലം കണ്ടംകുളങ്ങരയിലെ കുതിരുമ്മല്‍ രതീഷിന്റെ മകന്‍ ദേവനന്ദു (14) വിനെയാണ് ശനിയാഴ്ച പുലര്‍ച്ചെ കിടപ്പ് മുറിയില്‍ തൂങ്ങിമരിച്ച നിലയില്‍ കാണപ്പെട്ടത്. വെള്ളിയാഴ്ച രാത്രി മൊബൈലില്‍ ഗെയിം കളിച്ചതിന് പിതാവ് വഴക്ക് പറഞ്ഞിരുന്നു.ഇതിനു പിന്നാലെ ദേവനന്ദു മുറിയില്‍ കയറി കതകടച്ചു.ഇതിനു പിന്നാലെ ദേവനന്ദു മുറിയില്‍ കയറി കതകടച്ചു.ഉറങ്ങാനാണെന്ന് കരുതി ആരും വിളിച്ചതുമില്ല. എന്നാല്‍ കാലത്ത് വാതില്‍ തുറക്കാതായപ്പോള്‍ നോക്കിയപ്പോഴാണ് തൂങ്ങി മരിച്ച നിലയില്‍ കണ്ടത്. പയ്യന്നൂര്‍ പോലീസ് ഇന്‍ക്വസ്റ്റ് നടത്തി മൃതദേഹം പരിയാരത്തേക്ക് മാറ്റി.കുഞ്ഞിമംഗലം ഗവ. ഹൈസ്കൂളിലെ ഒമ്ബതാം തരം വിദ്യാര്‍ത്ഥിയാണ്.