ആലക്കോട്: ആലക്കോട് ഡിവൈഎഫ്‌ഐ പ്രവര്‍ത്തകനെ പട്ടാപകല്‍ തട്ടികൊണ്ട് പോയി വധിക്കാന്‍ ശ്രമം. നടുവില്‍ സ്വദേശി പുതിയകത്ത് ഷാക്കിറി (20) നെയാണ് ഒരു സംഘം തട്ടി കൊണ്ട് പോയി വധിക്കാന്‍ ശ്രമിച്ചത്. സംഘത്തിന്റെ വാഹനത്തില്‍ നിന്നുംചാടി രക്ഷപ്പെട്ട ഷാക്കിറിനെ പരിക്കുകളോടെ തളിപറമ്പ് സഹകരണാശുപത്രിയില്‍ പ്രവേശിപ്പിച്ചു. തലയുടെ പിന്‍ഭാഗത്ത് വെട്ടേറ്റ ഷാക്കീറിന്റെ ശരീരമാസകലം ചതവും പറ്റിയിട്ടുണ്ട്.
നടുവില്‍ ടൗണില്‍ നില്‍ക്കുകയായിരുന്ന ഷാക്കിറിനെ കെ എല്‍ 13 എ 3400 ജീപ്പിലെത്തിയ സംഘം തട്ടിക്കൊണ്ടുപോവുകയായിരുന്നു. ആളൊഴിഞ്ഞ സ്ഥലത്ത് കൊണ്ടുപോയി യുവാവിനെ കൊല്ലാനായിരുന്നു പദ്ധതിയെന്നാണ് സൂചന. കഴിഞ്ഞ ദിവസം കണ്ണൂരില്‍ മുഖ്യമന്ത്രിയുടെ സാന്നിധ്യത്തില്‍ നടന്ന സമാധാന ചര്‍ച്ച അവസാനിച്ച് മണിക്കൂറുകള്‍ കഴിയുമ്പോഴാണ് സംഭവം. ഇത് നാട്ടുകാരില്‍ ഭീതി ഉളവാക്കുന്നു. സംഭവത്തിനു പിന്നില്‍ ആര്‍എസ്എസുകാരാണെന്ന് സിപിഎം ആരോപിച്ചു