കൊച്ചി:ഫൈസല്‍ ഫരീദിനെതിരെ റെഡ് കോര്‍ണര്‍ നോട്ടീസ് പുറപ്പെടുവിക്കാന്‍ കസ്റ്റംസ് അപേക്ഷ നല്‍കും. ഇന്റര്‍പോളിന് സഹായത്തോടെ നോട്ടീസ് നല്‍കി പിടികൂടാനാണ് നീക്കം. സിബിഐ മുഖേന നോട്ടീസ് നല്‍കാനാണ് ശ്രമം. ഇതിനായി ജാമ്യമില്ലാ വാറന്റ് പുറപ്പെടുവിക്കാന്‍ കൊച്ചിയിലെ സാമ്പത്തിക കുറ്റകൃത്യ കോടതിയില്‍ ഉടന്‍ അപേക്ഷ നല്‍കും.കേസിലെ മുഖ്യപ്രതികളായ സ്വപ്‌നയ്ക്കും സരിത്തിനും സന്ദീപിനുമെതിരെ കസ്റ്റംസ് കൊഫെപോസ ചുമത്തും.പ്രതികള്‍ക്കെതിരെ ഉടന്‍ കൊഫെപോസ ചുമത്താനാണ് തീരുമാനം. സ്വര്‍ണക്കടത്ത് കേസിലെ മറ്റ് പ്രതികളായ ഫൈസല്‍ ഫരീദ്, റബിന്‍സ് എന്നിവര്‍ക്കെതിരെ ജാമ്യമില്ലാ വാറന്റ് പുറപ്പെടുവിക്കാനും കസ്റ്റംസ് കോടതിയില്‍ ആവശ്യപ്പെടും.സാമ്പത്തിക കുറ്റവിചാരണ കോടതിയില്‍ ഇതിനായി അപേക്ഷ സമര്‍പ്പിക്കും. പ്രതികളുടെ പാസ്‌പോര്‍ട്ട് കണ്ടുകെട്ടാനും നീക്കമുണ്ട്.