തിരുവനന്തപുരം:തിരുവനന്തപുരം മെഡിക്കല്‍ കോളജില്‍ കോവിഡ് നിരീക്ഷണത്തിലിരിക്കെ ആത്മഹത്യയ്ക്ക് ശ്രമിച്ച കൊല്ലം സ്വദേശി മരിച്ചു.കൊല്ലം സ്വദേശി നിസാമുദ്ദീനാണ് ആത്മഹത്യ ചെയ്തത്.വ്യാഴാഴ്ച രാവിലെ നിരീക്ഷണവാര്‍ഡില്‍ ഇദ്ദേഹം തൂങ്ങിമരിക്കാന്‍ ശ്രമിക്കുകയായിരുന്നു. ആരോഗ്യ പ്രവര്‍ത്തകരെത്തി ഉടന്‍ അത്യാഹിത വിഭാഗത്തിലേക്ക് മാറ്റിയെങ്കിലും ജീവന്‍ രക്ഷിക്കാന്‍ കഴിഞ്ഞില്ല.ഇതിന് മുന്‍പും കോവിഡ് നിരീക്ഷണത്തിലിരുന്നവര്‍ തിരുവനന്തപുരം മെഡിക്കല്‍ കോളജ് ആശുപത്രിയില്‍ ആത്മഹത്യ ചെയ്തിരുന്നു. ഇത് വലിയ വിവാദമായിരുന്നു. പിന്നാലെയാണ് വീണ്ടും ആത്മഹത്യയുണ്ടായത്.