അടിമാലി : കല്ലാറില്‍ റിസോര്‍ട്ടിന് സമീപത്തു വച്ച് നടന്‍ ബാബുരാജിന് വെട്ടേറ്റു. കല്ലാര്‍ സ്വദേശി സണ്ണി എന്നയാളാണ് നടനെ വെട്ടിയത്. ഇടനെഞ്ചില്‍ വെട്ടേറ്റ ബാബുരാജിനെ അടിമാലിയിലെ സ്വകാര്യ ആശുപത്രിയില്‍ നിന്ന് പ്രാഥമിക ചികിത്സ നല്‍കിയ ശേഷം കൊച്ചി രാജഗിരി ആശുപത്രിയിലേക്ക് കൊണ്ടുപോയി.
ബാബുരാജിന്റെ ഉടമസ്ഥതിയിലുള്ള റിസോര്‍ട്ടിലെ കുളം വറ്റിക്കുന്നതുമായി ബന്ധപ്പെട്ട് പരിസരവാസികളുമായി ഉണ്ടായ വാക്കു തര്‍ക്കത്തിനിടെ ഒരാള്‍ വാക്കത്തി ഉപയോഗിച്ച് ബാബുരാജിനെ വെട്ടുകയായിരുന്നു. നടി വാണി വിശ്വനാഥിന്റെ ഭര്‍ത്താവാണ് ബാബുരാജ്.