മലപ്പുറം:എടവണ്ണപ്പാറയിൽ ക്വാറന്റീന്‍ ലംഘിച്ച് കറങ്ങി നടന്ന യുവാവിന് കൊവിഡ് സ്ഥിരീകരിച്ചു.ചീക്കോഡ് സ്വദേശിയായ 23കാരനാണ് കോവിഡ് സ്ഥിരീകരിച്ചത്.ജൂണ്‍ 18 നാണ് ഇയാള്‍ ജമ്മു കാശ്മീരില്‍ നിന്ന് നാട്ടിലേക്ക് എത്തിയത്. തുടര്‍ന്ന് ഇയാള്‍ നിരവധി കടകളില്‍ കയറി. നാട്ടിലെത്തി ഏഴു ദിവസം പോലും പൂര്‍ത്തിയാക്കാതെയാണ് ഇയാള്‍ കറങ്ങിനടന്നത്. കഴിഞ്ഞ മാസം 23 ന് മൊബൈല്‍ ഷോപ്പില്‍ കയറുന്നതിന്റെ വിഡിയോ ദൃശ്യങ്ങളും പുറത്തുവന്നിട്ടുണ്ട്. യുവാവിന് രോഗം സ്ഥിരീകരിച്ചതോടെ ഇയാള്‍ സന്ദര്‍ശനം നടത്തിയ കടകള്‍ ആരോഗ്യവിഭാഗം അടപ്പിച്ചു.ഇയാളുടെ സമ്പർക്ക ലിസ്റ്റ് തയ്യാറാക്കി വരികയാണ്.