കണ്ണൂർ:അമ്മ വഴക്കു പറഞ്ഞതിന്റെ വിഷമത്തില്‍ ഏഴുവയസ്സുകാരന്‍ തൂങ്ങി മരിച്ചു.കണ്ണൂർ വാരത്താണ് സംഭവം.റിജ്വല്‍ എന്ന ഏഴുവയസുകാരനാണ് ബന്ധുവീട്ടില്‍ വച്ച്‌ മരിച്ചത്. ഇവിടെ താമസിക്കാനെത്തിയതായിരുന്നു കുട്ടിയുടെ കുടുംബം.ബന്ധുവീട്ടിലെ കുട്ടികളുമായി റിജ്വല്‍ വഴക്കുകൂടുന്നതിന് അമ്മ ശരണ്യ തല്ലുകയും വഴക്കുപറയുകയും ചെയ്തിരുന്നു.തല്ലിയതിന്റെ വിഷമത്തില്‍ കുട്ടി മുറിയില്‍ കയറി സാരി കഴുത്തില്‍ മുറുക്കിയെന്നാണ് പ്രാഥമിക വിലയിരുത്തല്‍. റൂമിൽ കയറിയ കുട്ടിയെ പിന്നീട് സാരി കഴുത്തില്‍ കുരുങ്ങിയ നിലയിലാണ് കുട്ടിയെ കണ്ടെതെന്നാണ് ചക്കരക്കല്‍ സി ഐ വിനോദ് പറയുന്നത്. അതേസമയം അസ്വാഭാവിക മരണത്തിന് പോലീസ് കേസെടുത്ത് അന്വേഷണം തുടങ്ങി.