മട്ടന്നൂർ: വിമാനത്താവളത്തിലേക്കുള്ള പ്രധാന റോഡ് നിർമിക്കുന്നതിൽ ക്രമക്കേടുണ്ടെന്ന പരാതിയുമായി കോൺഗ്രസ് ബ്ലോക്ക് കമ്മിറ്റിയുടെ നേതൃത്വത്തിൽ 16 ന് കിയാൽ ഓഫീസിലേക്ക് മാർച്ച് നടത്തും, വിമാനത്താവളത്തിന്റെ പ്രധാനകവാടത്തിനു മുന്നിൽ ഉയർന്ന പ്രദേശമായതിനാൽ കുന്നിടിച്ച് താഴ്ത്തി റോഡ് നിർമിക്കാനാണ് പദ്ധതി തയാറാക്കിയിരുന്നതെന്നും സമീപത്തെ സ്വകാര്യ വ്യക്തിയുടെ രാഷ്ട്രീയ സമ്മർദ്ദത്തിന് വഴങ്ങി നിർമാണത്തിൽ കൃത്രിമം കാട്ടുന്നുവെന്നുമാണ് പരാതി. വിമാനത്താവളത്തിനായി ഒട്ടേറെ പെരുത്ത സ്വത്തും കിടപ്പാടവും നഷ്ടപ്പെടുത്തണ്ടി വന്നിരിക്കെ ഒരു വ്യക്തിയുടെ താല്പര്യത്തിനു വഴങ്ങി വാൻ പദ്ധതിയെ അട്ടിമറിക്കുകയാണെന്നും കോൺഗ്രസ് നേതാക്കൾ ആരോപിച്ചു.
വിമാനത്താവള നിർമാണവുമായി ബന്ധപ്പെട്ട പാറ പൊട്ടിക്കാൻ സ്ഫോടനം നടത്തിയപ്പോൾ കേടുപറ്റിയ വീടുകൾക്ക് നഷ്ടപരിഹാരം നൽകുന്നതിലും അധികൃതർ പക്ഷഭേദം കാട്ടിയതായും പരാതിയുണ്ട്. ഇക്കാര്യങ്ങൾ ഉന്നയിച്ചാണ് കിയാൽ ഓഫീസിനു മുന്നിൽ 16 നും 10 നും മാർച്ചും ധർണയും നടത്തുക.