തിരുവനന്തപുരം:സംസ്ഥാനത്ത് ഇന്ന് സമ്പൂര്‍ണ ലോക്ക്ഡൌണ്‍. അവശ്യ സര്‍വീസുകള്‍ മാത്രമാണ് ഇന്ന് പ്രവര്‍ത്തിക്കുക. ആശുപത്രി, ലാബ്, മെഡിക്കൽ സ്റ്റോറുകൾ, ആരോഗ്യ വകുപ്പ്, കോവിഡ് പ്രതിരോധ പ്രവർത്തനത്തില്‍ ഏർപ്പെട്ടിരിക്കുന്ന മറ്റ് വകുപ്പുകൾ, മാലിന്യ നിർമ്മാർജന ജീവനക്കാർ, മാധ്യമ പ്രവർത്തകർ എന്നീ വിഭാഗങ്ങൾക്ക് മാത്രമാണ് ഇന്ന് പ്രവര്‍ത്തിക്കാന്‍ അനുമതി. അടിയന്തര ആവശ്യങ്ങള്‍ക്കല്ലാതെ ജനങ്ങള്‍ പുറത്തിറങ്ങരുതെന്ന് കര്‍ശന നിര്‍ദേശമുണ്ട്. അനാവശ്യമായി ആരെങ്കിലും പുറത്തിറങ്ങിയാല്‍ കേസ് എടുക്കാന്‍ പൊലീസിന് നിര്‍ദേശമുണ്ട്.സംസ്ഥാനത്ത് സമ്ബൂര്‍ണ്ണ അടച്ചിടല്‍ നടപ്പിലാക്കുന്ന അഞ്ചാം ഞായറാഴ്ചയാണ് ഇന്ന്. ഹോട്ടലുകളിലെ പാഴ്സല്‍ കൌണ്ടറുകള്‍ പ്രവര്‍ത്തിക്കും.പരിശോധനകള്‍ ശക്തമാകുന്നുണ്ടെങ്കിലും പാസില്ലാതെയും മറ്റും ഇതര സംസ്ഥാന വാഹനങ്ങള്‍ കേരളത്തിലേക്ക് എത്തുകയാണ്. കൊറോണ രോഗബാധിതരുടെ എണ്ണം വര്‍ദ്ധിക്കുന്ന സാഹചര്യത്തില്‍ ഞായറാഴ്ച മാത്രം ലോക് ഡൌണ്‍ കര്‍ശനമാക്കിയാല്‍ മതിയാവില്ലെന്നാണ് വിദഗ്ദരുടെ വിലയിരുത്തല്‍. സമൂഹിക വ്യാപനത്തിലേക്ക് കാര്യങ്ങള്‍ എത്തുന്നുവെന്നാണ് നിഗമനം. ആരോഗ്യ പ്രവര്‍ത്തകരുടെയും പോലീസിന്റെയും പരിശോധനകള്‍ ഈജ്ജിതമല്ലാത്തതാണ് രോഗവ്യാപനത്തിന് കാരണമെന്നും ആക്ഷേപമുണ്ട്.