തിരുവനന്തപുരം:കോവിഡ് 19 ലോക്ക്ഡൗണിനെത്തുടര്‍ന്ന് വിദേശത്ത് കുടുങ്ങിയ പൗരന്മാരെ നാട്ടിലെത്തിക്കാനുള്ള വന്ദേ ഭാരത് മിഷന്‍ രണ്ടാം ഘട്ടത്തിന്റെ രണ്ടാം ദിവസമായ ഞായറാഴ്ച നാല് വിമാനങ്ങള്‍ കേരളത്തിലെത്തും. യു.എ.ഇയില്‍ നിന്ന് മൂന്നും ഒമാനില്‍ നിന്ന് ഒരു വിമാനവുമാണ് എത്തുക. നാല് വിമാനങ്ങളിലായി 700 ലേറെ പ്രവാസികള്‍ ഇന്ന് നാട്ടിലെത്തും. ദുബായ് – കൊച്ചി, മസ്ക്കറ്റ്- തിരുവനന്തപുരം, അബുദാബി-കൊച്ചി, ദുബായ്- കണ്ണൂര്‍ എന്നീ വിമാനങ്ങളാണ് ഇന്ന് എത്തുന്നത്.ദുബായില്‍ നിന്ന് കൊച്ചിയിലേക്കുള്ള വിമാനം വൈകിട്ട് 5.40 ന് നെടുമ്പാശ്ശേരിയിലെത്തും.മസ്‌കറ്റില്‍ നിന്ന് തിരുവനന്തപുരത്തേക്കുളള രണ്ടാമത്തെ വിമാനം വൈകിട്ട് 6.35 നാണ് എത്തുന്നത്.അബുദാബിയില്‍ നിന്ന് കൊച്ചിയിലേക്കുള്ള വിമാനം രാത്രി 8.45നും, ദുബായില്‍ നിന്ന് കണ്ണൂരിലേക്കുള്ളത് രാത്രി 8.55നുമെത്തും.