കോഴിക്കോട്: ജില്ലയില്‍ കഴിഞ്ഞ ദിവസം കോവിഡ് സ്ഥിരീകരിച്ച വിദേശത്ത് നിന്നുമെത്തിയ വ്യക്തി ക്വാറന്‍റൈന്‍ കാലയളവ് പിന്നിട്ടയാളാണെന്നു സ്ഥിരീകരണം. എടച്ചേരി സ്വദേശിക്കാണ് ഇന്നലെ രോഗബാധ സ്ഥിരീകരിച്ചത്. ഇദ്ദേഹം ദുബായില്‍നിന്നും എത്തിയ ആളാണ്. മാര്‍ച്ച്‌ 18 ന് ആണ് ദുബായില്‍നിന്നും നാട്ടിലെത്തിയത്. ഇതോടെ ക്വാറന്‍റൈന്‍ കാലയളവ് കഴിഞ്ഞും രോഗം സ്ഥിരീകരിക്കുന്ന സംഭവം ആവര്‍ത്തിക്കുന്നത് ആശങ്ക ഉണര്‍ത്തുന്നു. ശനിയാഴ്ച ഇദ്ദേഹത്തിന്‍റെ അറുപത്തിയേഴുകാരനായ അച്ഛനും കോവിഡ് സ്ഥിരീകരിച്ചിരുന്നു. ഇദ്ദേഹത്തിന്‍റെ പത്തൊന്‍പതുകാരിയായ മകള്‍ക്കും രോഗം ബാധിച്ചിരുന്നു. ഇവര്‍ക്ക് മൂന്ന് പേര്‍ക്കും രോഗം ബാധിച്ചത് മരിച്ച മാഹി സ്വദേശിയില്‍ നിന്നാണെന്നാണ് നിലവില്‍ ആരോഗ്യവകുപ്പിന്റെ നിഗമനം.