ന്യൂഡല്‍ഹി:കൊറോണ വൈറസ് ബാധയേറ്റ് ഇന്ത്യയിൽ ഇതുവരെ 199 പേര്‍ മരിച്ചു. കൂടാതെ 6412 പേര്‍ക്ക് വൈറസ് ബാധ സ്ഥിരീകരിച്ചു.വ്യാഴാഴ്ച മാത്രം 600 ഓളം പേര്‍ക്കാണ് രോഗം സ്ഥിരീകരിച്ചത്.മഹാരാഷ്ട്രയില്‍ മാത്രം കൊറോണ ബാധിച്ച്‌ 97 ആളുകള്‍ മരിച്ചു. രോഗികളുടെ എണ്ണത്തിലും മഹാരാഷ്ട്രയാണ് ഏറെ ആശങ്ക ഉളവാക്കുന്നത്.സംസ്ഥാനത്ത് 1364 പേര്‍ക്ക് രോഗം സ്ഥിരീകരിച്ചു.കൂടാതെ ഗുജറാത്തില്‍ 17 മരണവും, മധ്യപ്രദേശില്‍ 16 മരണങ്ങളും റിപ്പോര്‍ട്ട് ചെയ്തു.834 വൈറസ് ബാധിതരുള്ള തമിഴ്നാടാണ് രോഗികളുടെ എണ്ണതില്‍ രണ്ടാമതായി നില്‍ക്കുന്ന സംസ്ഥാനം.ഇവിടെ എട്ട് മരണം റിപ്പോര്‍ട്ട് ചെയ്തു.ഡല്‍ഹിയില്‍ 720 പേര്‍ക്ക് രോഗവും 12 മരണവും റിപ്പോര്‍ട്ട് ചെയ്തു. വളരെ ആശ്വാസം നല്‍കുന്ന ഒരുഘടകം എന്തെന്നാല്‍ 357 പേര്‍ക്ക് രോഗ ബാധ സ്ഥിരീകരിച്ച കേരളത്തില്‍ 97 പേര്‍ രോഗമുക്തിനേടിയിട്ടുണ്ട്.രാജ്യത്ത് മൊത്തം സ്ഥിരീകരിച്ച 6412 രോഗികളില്‍ 504 പേര്‍ക്കാണ് ഇതുവരെ രോഗത്തില്‍ നിന്ന് മോചിതരാകാനായത്.