കണ്ണൂർ:കണ്ണൂരിൽ കൊവിഡ് ബാധിച്ച് ഗുരുതരാവസ്ഥയിൽ ചികിത്സയിൽ കഴിയുന്ന ചെറുവാഞ്ചേരി സ്വദേശിയായ 81കാരന്റെ മൂന്ന് ബന്ധുകള്‍ക്ക് കൂടി രോഗബാധ.ഇതിലൊരാള്‍ 11 വയസ്സുള്ള കുട്ടിയാണ്. വിദേശത്ത് നിന്നെത്തിയ പേരക്കുട്ടിയില്‍ നിന്നുമാണ് ഇയാള്‍ക്ക് രോഗം പിടിപെട്ടത്.മാര്‍ച്ച്‌ 15ന് ഷാര്‍ജയില്‍ നിന്നെത്തിയ പതിനൊന്നുകാരന്റെ രണ്ട് അമ്മാവന്‍മാര്‍ക്കും സമ്പർക്കത്തിലൂടെ രോഗം സ്ഥിരീകരിച്ചു. അതേസമയം ഈ കുട്ടിക്കൊപ്പം വന്ന അമ്മക്കും അനിയനും ഇതുവരെ രോഗബാധയില്ല. ചെറുവാഞ്ചേരിയിലെ ഈ കൂട്ടുകുടംബത്തില്‍ പതിനേഴ് പേരുണ്ടായിരുന്നതിനാല്‍ ഇവരുമായി ബന്ധപ്പെട്ട എല്ലാവരേയും നിരീക്ഷണത്തിലാക്കി.രോഗം സ്ഥിരീകരിച്ച മാടായി സ്വദേശി തബ്ലീഗ് സമ്മേളനത്തില്‍ പങ്കെടുത്ത് മാര്‍ച്ച്‌ പത്തിന് ട്രെയിനിലാണ് തിരിച്ചെത്തിയത്. ഇയാള്‍ പിന്നീട് കണ്ണൂരില്‍ പലസ്ഥലങ്ങളിലും യാത്ര ചെയ്തു. ഇയാളുടെ സമ്പർക്ക പട്ടിക തയ്യാറാക്കുക ദുഷ്കരമാകും.