കോഴിക്കോട്: മലബാര്‍ മില്‍മ ക്ഷീര കര്‍ഷകരില്‍ നിന്നും നാളെ മുതല്‍ മുഴുവന്‍ പാലും സംഭരിക്കും. കേരളത്തിന്റെ പാല്‍ വേണ്ടെന്ന തീരുമാനത്തില്‍ നിന്നും തമിഴ്‌നാട് പിന്‍വാങ്ങിയതോടെയാണ് നിലവിലെ നിയന്ത്രണം ഒഴിവാക്കാന്‍ മില്‍മ തീരുമാനിച്ചത്.കേരള മുഖ്യമന്ത്രിയും കേരള വികസന മൃഗ സംരക്ഷണ വകുപ്പ് മന്ത്രി കെ രാജു ഉള്‍പ്പെടെയുള്ള ആളുകള്‍ തമിഴ്‌നാട് സംസ്ഥാന സര്‍ക്കാറുമായി സംസാരിച്ചതിന്റെ ഭാഗമായി ഈ റോഡുള്ള പാല്‍ സംഭരണ കേന്ദ്രവും തമിഴ്‌നാട്ടിലെ വെല്ലൂര്‍ ഡിണ്ടിഗല്‍ പ്ലാന്റുകളും പാല്‍ എടുത്ത് പാല്‍പ്പൊടിയാക്കാമെന്ന് സമ്മതിച്ചിട്ടുണ്ടെന്ന് മല്‍ബാര്‍ മില്‍മ മാനേജിംഗ് ഡയറക്ടര്‍ കെ എം വിജയകുമാര്‍ അറിയിച്ചു.ഇതേ തുടര്‍ന്നാണ് മില്‍മ മുഴുവന്‍ പാലും സംഭരിക്കാമെന്ന തീരുമാനത്തിലേക്ക് എത്തിയത്. മില്‍മയുടെ മലബാര്‍ യൂണിറ്റാണ് ഈ തീരുമാനം കൈക്കൊണ്ടിരിക്കുന്നത്.ലോക്ക് ഡൗണിനെ തുടര്‍ന്ന് കേരളത്തില്‍ സംഭരിക്കുന്ന പാല്‍ തമിഴ്‌നാട് ഏറ്റെടുക്കാന്‍ തയാറല്ലാതെ വന്ന സാഹചര്യത്തിലാണ് ഇന്നു മുതല്‍ മുഴുവന്‍ പാലും സംഭരിക്കില്ല എന്ന തീരുമാനത്തിലേക്ക് മില്‍മ എത്തിയത്.മില്‍മയുടെ മലബാര്‍ യൂണിറ്റില്‍ നിന്ന് ആറരലക്ഷം പാലാണ് ഒരു ദിവസം സംഭരിക്കുന്നത്.