ശ്രീകണ്ഠപുരം: കെ എസ് ഇ ബി ഓഫീസേഴ്‌സ് അസോസിയേഷന്റെയും ശ്രീകണ്ഠപുരം സെക്ഷൻ ജീവനക്കാരുടെയും നേതൃത്വത്തിൽ നിടിയേങ്ങയിലെ തായാലെ വീട്ടിൽ നാരായണി, സഹോദരി കല്യാണി എന്നിവരുടെ വീടിനു സൗജന്യമായി വയറിങ് ചെയ്തു നൽകി. ആവശ്യമായ ബൾബുകളും സാധനങ്ങളും ഇവര്തന്നെയാണ് നൽകിയത്.
നഗരസഭാ ചെയർമാൻ പി പി രാഘവൻ സ്വിച്ഛ് ഓൺ കർമം നിർവഹിച്ചു. അസോസിയേഷൻ ജില്ലാപ്രസിഡന്റ് എ എൻ ശ്രീലാകുമാരി, ഓവർസിയർ കെ സുധീർ, കെ രാധാകൃഷ്ണൻ, ദിനേശൻ, പദ്മനാഭൻ, മനോജ്, സാനു ജോർജ് തുടങ്ങിയവർ പങ്കെടുത്തു.