കണ്ണൂർ:കണ്ണൂരിൽ കൊറോണ വൈറസ് ബാധ സ്ഥിതീകരിച്ചയാൾ സഞ്ചരിച്ച റൂട്ട് മാപ് പുറത്തുവിട്ടു.അഞ്ചിടങ്ങളിലാണ് ഇയാള്‍ സഞ്ചരിച്ചത്. മാര്‍ച്ച്‌ അഞ്ചാം തീയതി രാത്രി 9.30 ഓടെ സ്പൈസ് ജെറ്റ് വിമാനത്തിൽ കോഴിക്കോട് വിമാനത്താവളത്തില്‍ എത്തിയ ഇയാൾ 9.30 മുതല്‍ 11 മണിവരെ വിമാനത്താവളത്തില്‍ തന്നെ ചെലവഴിക്കുകയും പതിനൊന്ന് മണിക്ക് വിമാനത്താവളത്തില്‍ നിന്ന് കുടുംബത്തോടൊപ്പം ടാക്സിയില് കയറി പോവുകയും ചെയ്തു.12 ഓടെ രാമനാട്ടുകരയിലെ ഹോട്ടല്‍ മലബാര്‍ പ്ലാസയില്‍ കയറി ഭക്ഷണം കഴിച്ചു.അതിനു ശേഷം നേരെ വീട്ടിലേയ്ക്ക് പോയി.പുലര്‍ച്ചെ നാല് മണിയോടെ കണ്ണൂരുള്ള വീട്ടിലെത്തി. ഏഴാം തീയതി ഉച്ചയ്ക്ക് 2.30ഓടെ കണ്ണൂര്‍ മാത്തില്‍ എന്ന സ്ഥലത്തുള്ള ഒരു പ്രൈവറ്റ് ആശുപത്രിയില്‍ ഇയാള്‍ എത്തി. രണ്ടര മുതല്‍ 2.40 വരെ അവിടെ ചെലവഴിച്ചു. അവിടെ നിന്നാണ് അദ്ദേഹത്തെ പരിയാരം മെഡിക്കല്‍ കോളജിലേക്ക് അയയ്ക്കുന്നത്. തുടര്‍ന്ന് അവിടെ അഡ്മിറ്റായി. ഏഴാം തീയതി മുതല്‍ പത്താം തീയതി വരെ പരിയാരം മെഡിക്കല്‍ കോളജില്‍ ചികിത്സ തേടി.പത്താം തീയതി വൈകിട്ടോടെ വീട്ടിലേക്ക് മാറ്റി. തുടര്‍ന്നുള്ള രണ്ട് ദിവസം വീട്ടില്‍ കഴിഞ്ഞു. അതിനുശേഷം ഇദ്ദേഹം എവിടെയും പോയിട്ടില്ലെന്നാണ് ആരോഗ്യവകുപ്പ് പറയുന്നത്.
റൂട്ട് മാപ് ചുവടെ:
* മാര്‍ച്ച്‌ അഞ്ചിന് സ്പൈസ് ജെറ്റിന്റെ SG 54 വിമാനത്തില്‍ രാത്രി 9.30ന് ഇദ്ദേഹം കോഴിക്കോട് വിമാനത്താവളത്തില്‍ എത്തി.രാത്രി 11 മണിവരെ അവിടെ ചെലവഴിച്ചു.
* 11.00 pm മുതല്‍ 11.15 pm വരെ ടാക്സി കാറില്‍ സഞ്ചരിച്ചു.
* 11.15 pm മുതല്‍ 11.45 pm വരെ ഹോട്ടല്‍ മലബാര്‍ പ്ലാസ രാമനാട്ടുകര (ഐക്കരപ്പടി)
* 11.45pm – 4.00 am ടാക്സിയില് പെരിങ്ങോത്തെ വീട്ടിലേക്ക്
* മാര്‍ച്ച്‌ ആറിന് രാവിലെ നാലിന് വീട്ടില്‍
* മാര്‍ച്ച്‌ ഏഴ് ഉച്ച 2.30 -2.40: മാത്തിലിലെ ഡോക്ടറുടെ വീട്ടില്‍
* ഉച്ച 3.30 മുതല്‍ പനിയും രോഗലക്ഷണങ്ങളുമായി പരിയാരം ഗവ. മെഡിക്കല്‍ കോളജില്‍
* 3.35 മുതല്‍ പരിയാരം ഗവ. മെഡിക്കല്‍ കോളജില്‍ ഐസൊലേഷൻ വാർഡിൽ
* മാര്‍ച്ച്‌ എട്ട്, ഒൻപത്, പത്ത് തീയതികളിൽ ഐസാലേഷന്‍ വാര്‍ഡില്‍
* 10ന് വൈകീട്ട് നാലിന് വീട്ടിലേക്ക് പോയി.അന്ന് വൈകീട്ട് അഞ്ചുമണിമുതല്‍ മാര്‍ച്ച്‌ 12 രാത്രി ഒൻപതു മണി വരെ വീട്ടില്‍ ഐസൊലേഷനില്‍.
* മാര്‍ച്ച്‌ 12ന് രാത്രി 10 മണി മുതല്‍ വീണ്ടും പരിയാരം ഗവ. മെഡിക്കല്‍ കോളജില്‍ ഐസൊലേഷൻ വാര്‍ഡില്‍.