ന്യൂഡല്‍ഹി:കോവിഡ് 19 ഭീതിക്കിടയില്‍ പൊതുജനത്തിന് ഇരുട്ടടി നല്‍കി കേന്ദ്ര സര്‍ക്കാര്‍. പെട്രോളിന്റെയും ഡീസിലിന്റെയും എക്സൈസ് തീരുവ കൂട്ടി. ലിറ്ററിന് മൂന്ന് രൂപ വീതമാണ് കേന്ദ്ര സര്‍ക്കാര്‍ വര്‍ദ്ധിപ്പിച്ചത്. റോഡ് നികുതി ഒരു രൂപ കൂട്ടിയതോടെ ഒൻപതിൽ നിന്ന് പത്തു രൂപയായി. അഡീഷനല്‍ എക്സൈസ് തീരുവ പെട്രോളിന് എട്ടില്‍ നിന്ന് പത്ത് രൂപയായും, ഡീസലിന് രണ്ടില്‍ നിന്ന് നാലു രൂപയായും വര്‍ദ്ധിപ്പിച്ചു. ഇതോടെ ലിറ്ററിന് മൂന്നു രൂപ വീതം നികുതി കൂടി.ഇന്നലെ അര്‍ദ്ധരാത്രിയോടെ പുതിയ നിരക്ക് പ്രാബല്യത്തില്‍ വന്നു. അന്താരാഷ്ട്ര വിപണിയില്‍ എണ്ണവിലയില്‍ ഇടിവുണ്ടായിരുന്നു. അതിനാല്‍ത്തന്നെ ഇന്ധനവില കുറയുമെന്ന പ്രതീക്ഷയിലായിരുന്നു ജനങ്ങള്‍. എന്നാല്‍ പെട്രോളിന്റെയും ഡീസലിന്റെയും എക്സൈസ് തീരുവ കൂട്ടിയതോടെ രാജ്യത്ത് ഇന്ധനവില കുറയാനുള്ള സാദ്ധ്യത ഇല്ലാതായി.