തിരുവനന്തപുരം:കൊറോണ വൈറസ് ബാധയുടെ പശ്ചാത്തലത്തിൽ സംസ്ഥാനത്ത് അതീവ ജാഗ്രത.മാര്ച്ച് മാസത്തില് സംസ്ഥാന സര്ക്കാര് സംഘടിപ്പിക്കുന്ന എല്ലാ പൊതുപരിപാടികളും റദ്ദാക്കും.ഏഴ് വരെയുള്ള ക്ലാസുകള്ക്ക് സര്ക്കാര് അവധി പ്രഖ്യാപിച്ചു. അങ്കണവാടികള്ക്കും അവധി ബാധകമായിരിക്കും. അതേസമയം, എട്ട്, ഒൻപത്, പത്ത് ക്ലാസുകളിലെ പരീക്ഷകള്ക്ക് മാറ്റമില്ല. മന്ത്രിസഭായോഗത്തിലാണ് തീരുമാനം. കര്ശന നിയന്ത്രണവും ക്രമീകരണങ്ങളും ഏര്പ്പെടുത്താനാണ് നിര്ദേശം. ഉത്സവങ്ങളും ആഘോങ്ങളും കുറയ്ക്കാന് നിര്ദേശം നല്കും. കേരളത്തില് ആറുപേര്ക്ക് കോവിഡ്19 ബാധ റിപ്പോർട്ട് ചെയ്ത സാഹചര്യത്തിലാണ് നടപടി. പത്തനംതിട്ടയില് അഞ്ചുപേര്ക്കും കൊച്ചിയില് മൂന്നുവയസുള്ള കുട്ടിക്കുമാണ് വൈറസ് ബാധ സ്ഥിരീകരിച്ചത്.