കണ്ണൂർ:ബൈക്കിൽ കടത്തുകയായിരുന്ന മാരക മയക്കുമരുന്ന് ഗുളികകളുമായി ഇരിട്ടിയിൽ യുവാവ് എക്‌സൈസ് സംഘത്തിന്റെ പിടിയിൽ.ചൊവ്വാഴ്ച്ച പുലര്‍ച്ചെഎക്‌സൈസ് സംഘം കിളിയന്തറ ചെക്ക്‌പോസ്റ്റിൽ നടത്തിയ വാഹന പരിശോധനയിലാണ് മാരക മയക്കുമരുന്ന് ഗുളികയായ എംഡിഎംഎ യുമായി ബാംഗ്ലൂരില്‍ നിന്നും ബൈക്കില്‍ വരികയായിരുന്ന തലശ്ശേരി തിരുവങ്ങാട് സെയ്ദാര്‍ പള്ളിസ്വദേശി ആയിഷ നിവാസില്‍ മുഹമ്മദ് സുഹൈലി(26)നെ കസ്റ്റഡിയിലെടുത്തത്.പത്തു വര്‍ഷം വരെ ശിക്ഷ ലഭിക്കാവുന്ന കേസാണിത്. എക്‌സൈസ് ഇന്‍സ്‌പെക്ടര്‍ കെ സതീശന്‍, പ്രിവന്റീവ് ഓഫീസര്‍മാരായ കെ അഹമ്മദ്, പ്രവീണ്‍, സിവില്‍ എക്‌സൈസ് ഓഫീസര്‍മാരായ എം പി ഹാരിസ്, വി ധനേഷ്, വനിതാ എക്‌സൈസ് ഓഫീസര്‍ വി ഷൈനി എന്നിവരാണ് പരിശോധന സംഘത്തിൽ ഉണ്ടായിരുന്നത്.