കണ്ണൂര്‍: മന്ത്രി ഇപി ജയരാജന്റെ പേഴ്സണല്‍ സ്റ്റാഫില്‍ അംഗമാണെന്ന് പറഞ്ഞ് കണ്ണൂര്‍ വിമാനത്താവളത്തില്‍ ജോലി വാഗ്ദാനം ചെയ്ത് തട്ടിപ്പ് നടത്തിയ മൂന്നംഗ സംഘത്തെ പോലീസ് അറസ്റ്റ് ചെയ്തു.പയ്യന്നൂരില്‍ നിന്നുമാണ് ഇവരെ പിടികൂടിയത്.പയ്യന്നൂര്‍ സ്വദേശിയില്‍ നിന്ന് സംഘം അരലക്ഷം രൂപ ജോലി വാഗ്ദാനം ചെയ്ത് അഡ്വാന്‍സ് വാങ്ങിയതായും പോലീസ് അന്വേഷണത്തില്‍ നിന്നും കണ്ടെത്തി.പ്രതികള്‍ കൂടുതല്‍ പേരില്‍ നിന്ന് പണം തട്ടിയതായി സംശയമുണ്ട്. ഇതിനു മുന്‍പും മന്ത്രിയുടെ പേരുപയോഗിച്ച്‌ സമാന തട്ടിപ്പുകള്‍ നടന്നിരുന്നു. മന്ത്രിയുടേയും സിപിഎം നേതാക്കളുടെയും പേരില്‍ കണ്ണൂര്‍ വിമാനത്താവളത്തില്‍ ജോലി വാഗ്ദാനം ചെയ്ത് ലക്ഷങ്ങളുടെ തട്ടിപ്പു നടത്തിയെന്നായിരുന്നു കണ്ടെത്തല്‍. അന്‍പതിലധികം പേരില്‍ നിന്ന് പണം തട്ടിയ കേസില്‍ സിപിഎം മുന്‍ പ്രാദേശിക നേതാവിനെതിരെ അടക്കം പോലീസ് കേസ് രജിസ്റ്റര്‍ ചെയ്തിരുന്നു.