തൃശൂർ:കൊറോണ വൈറസ് ബാധയെ തുടർന്ന് ആശുപത്രിൽ പ്രവേശിപ്പിച്ചിരുന്ന തൃശ്ശൂരിലെ വിദ്യാർത്ഥിയുടെ പുതിയ പരിശോധനാഫലം നെഗറ്റിവ് ആണെന്ന് റിപ്പോട്ട്.തൃശൂര്‍ മെഡിക്കല്‍ കോളജില്‍ ചികിത്സയില്‍ ഉള്ള പെണ്‍കുട്ടിയുടെ ഒടുവിലത്തെ പരിശോധന ഫലം നെഗറ്റീവാണെന്ന് മന്ത്രി എ സി മൊയ്തീന്‍ അറിയിച്ചു.എന്നാല്‍ കൊറോണ വൈറസ് ബാധ തടയാന്‍ സംസ്ഥാനത്ത് ജാഗ്രത തുടരുമെന്ന് ആരോഗ്യവകുപ്പ് അറിയിച്ചു.തൃശൂര്‍ മെഡിക്കല്‍ കോളജില്‍ ചികിത്സയിലുള്ള കുട്ടിയുടെ നാല് സാമ്പിളുകളുടെ ഫലം പുറത്ത് വന്നതില്‍ ഒടുവിലത്തെ പരിശോധനാ ഫലം നെഗറ്റീവാണ്. എന്നാല്‍ ഒരു സാമ്പിളിന്റെ ഫലം കൂടി നെഗറ്റീവ് ആയാല്‍ മാത്രമാകും രോഗം ഇല്ലെന്ന് സ്ഥിരീകരിക്കുക.നിലവില്‍ പെണ്‍കുട്ടി ആശുപത്രിയില്‍ ചികിത്സയില്‍ തുടരുകയാണ്.ആദ്യ കൊറോണ കേസ് സ്ഥിരീകരിച്ച്‌ 10 ദിവസത്തിനുളളില്‍ രോഗം നിയന്ത്രിക്കാനായത് വലിയ നേട്ടമാണെന്നാണ് ആരോഗ്യ വകുപ്പിന്റെ വിലയിരുത്തല്‍. 28 ദിവസത്തെ നിരീക്ഷണകാലം കൂടി പൂര്‍ത്തിയായാലേ സംസ്ഥാനം കൊറോണ മുക്തമെന്ന് പ്രഖ്യാപിക്കാനാവു എന്ന് ആരോഗ്യമന്ത്രി വ്യക്തമാക്കി.