കൂത്തുപറമ്പ്:മാങ്ങാട്ടിടം കണ്ടേരിയില്‍ എസ്.ഡി.പി.ഐ. പ്രവര്‍ത്തകന്റെ വീടിന് നേര്‍ക്ക് ബോംബേറ്.ഫസീല മന്‍സിലില്‍ നൗഫലിന്റെ വീടിന് നേരെയാണ് ആക്രമണം ഉണ്ടായത്. ചൊവ്വാഴ്ച പുലര്‍ച്ചയോടെയായിരുന്നു സംഭവം.ആക്രമണത്തില്‍ വീടിന്റെ ജനല്‍ച്ചില്ലുകള്‍ തകര്‍ന്നു. സംഭവ സമയം നൗഫലും കുടുംബാംഗങ്ങളും വീട്ടിലുണ്ടായിരുന്നു.സ്ഫോടനത്തില്‍ നൗഫലിന്റെ പിതാവ് അലവി, മരുമകന്‍ റിഫ് ഷാന്‍ എന്നിവരുടെ കേള്‍വിക്ക് തകരാര്‍ സംഭവിച്ചു. ഇവരെ പിന്നീട് ചികിത്സയ്ക്ക് വിധേയരാക്കി.കാറിലെത്തിയ നാലംഗസംഘമാണ് വീടിനുനേർക്ക് ബോംബെറിഞ്ഞതെന്ന് വീട്ടുകാര്‍ കൂത്തുപറമ്പ് പൊലീസിന് നല്‍കിയ പരാതിയില്‍ പറയുന്നു . അക്രമികളെത്തിയ കാറിന്റെ ദൃശ്യം വീട്ടിലെ സിസിടിവി ക്യാമറയില്‍ പതിഞ്ഞിട്ടുണ്ട്.സംഭവത്തില്‍ പോലീസ് കേസെടുത്ത് അന്വേഷണം ആരംഭിച്ചു .