ലക്‌നൗ:ഉത്തര്‍പ്രദേശില്‍ ട്രക്കുമായി കൂട്ടിയിടിച്ച് ബസ്സിന്‌ തീപിടിച്ച്‌ 20 യാത്രക്കാര്‍ വെന്തുമരിച്ചു.വെള്ളിയാഴ്ച്ച വൈകീട്ട് കനൗജ് ജില്ലയിലെ ചിലൊയിലാണ് സംഭവം. പൊള്ളലേറ്റ 21 പേരെ ആശുപത്രിയില്‍ പ്രവേശിപ്പിച്ചു.ഇവരിൽ പലരുടേയും നില ഗുരുതരമാണ്. ഫറൂഖാബാദില്‍ നിന്ന് ജയ്പൂരിലേക്ക് 46 യാത്രക്കാരുമായി പോയ ബസാണ് അപകടത്തില്‍പെട്ടത്. നാല് ഫയര്‍ എന്‍ജിനുകള്‍ അരമണിക്കൂര്‍ എടുത്താണ് തീ അണച്ചത്.അപകടമുണ്ടാകുമ്പോൾ പലരും ഉറക്കത്തിലായിരുന്നു.പെട്ടന്ന് പുറത്തിറങ്ങാന്‍ സാധിക്കാത്തതും അപകടത്തിന്‍റെ തീവ്രത വര്‍ധിപ്പിച്ചു.അതേസമയം പരിക്കേറ്റവര്‍ക്ക് വിദഗ്ധ ചികിത്സ നല്‍കാന്‍ മുഖ്യമന്ത്രി യോഗി ആദിത്യനാഥ് ഉത്തരവിട്ടു. കൊല്ലപ്പെട്ടവരുടെ കുടുംബത്തിന് 2 ലക്ഷവും പരിക്കേറ്റവര്‍ക്ക് 50000 രൂപയും സഹായം നല്‍കാനും ഉത്തരവിട്ടു. അപകടത്തില്‍ കൊല്ലപ്പെട്ടവര്‍ക്ക് പ്രധാനമന്ത്രി നരേന്ദ്രമോദി അടക്കമുള്ളവരും അനുശോചനം രേഖപ്പെടുത്തി.