മട്ടന്നൂർ:കണ്ണൂർ വിമാനത്താവളത്തിൽ നിന്നും വിമാനത്തിനുള്ളിൽ ഒളിപ്പിച്ച 25 ലക്ഷം രൂപ വിലമതിക്കുന്ന സ്വർണ്ണം പിടികൂടി.ചൊവ്വാഴ്ച പുലർച്ചെ 3.45 ഓടെ അബുദാബിയിൽ നിന്നെത്തിയ ഗോ എയർ വിമാനത്തിൽ നിന്നാണ് 660 ഗ്രാം തൂക്കം വരുന്ന സ്വർണ്ണം പിടികൂടിയത്.യാത്രക്കാർ ഇറങ്ങിയതിനു ശേഷം നടത്തിയ പരിശോധനയിലാണ് സീറ്റിനടിയിൽ ഒളിപ്പിച്ച നിലയിൽ സ്വർണ്ണം കണ്ടെത്തിയത്.പേസ്റ്റ് രൂപത്തിലാണ് സ്വർണ്ണമുണ്ടായിരുന്നത്.സ്വർണ്ണം കണ്ടെടുത്ത സീറ്റിൽ യാത്രക്കാരുണ്ടായിരുന്നതായും ഇത് സംബന്ധിച്ച അന്വേഷണം ആരംഭിച്ചതായും കസ്റ്റംസ് അധികൃതർ അറിയിച്ചു.ഡിസംബർ നാലാം തീയതിയും ഇതേ വിമാനത്തിൽ നിന്നും സീറ്റിനുള്ളിൽ ഒളിപ്പിച്ചുവെച്ച നിലയിൽ 90 ലക്ഷം രൂപ വിലമതിക്കുന്ന സ്വർണ്ണം കണ്ടെടുത്തിരുന്നു.കസ്റ്റംസ് അസി.കമ്മീഷണർ ഇ.വികാസ്,സൂപ്രണ്ടുമാരായ കെ.സുകുമാരൻ, .വി മാധവൻ,ഇൻസ്പെക്റ്റർമാരായ യദുകൃഷ്ണൻ,എൻ.അശോക് കുമാർ,കെ.വി രാജു,മനീഷ് കുമാർ,,എൻ,പി പ്രശാന്ത്,ഹവിൽദാർമാരായ ശ്രീരാജ്,സുമവതി തുടങ്ങിയവർ പരിശോധനയിൽ പങ്കെടുത്തു.