ന്യൂഡല്‍ഹി: നൈജീരിയന്‍ തീരത്ത് കടല്‍ക്കൊള്ളക്കാര്‍ ഹോങ്കോങ് കപ്പല്‍ തട്ടിയെടുത്തു. കപ്പലില്‍ 18 ഇന്ത്യന്‍ ജീവനക്കാരുമുണ്ടെന്നാണ് വിവരം.മേഖലയില്‍ കപ്പലുകളുടെ നീക്കം നിരീക്ഷിക്കുന്ന ഏജന്‍സിയായ എ.ആര്‍.എക്സ്. മാരിടൈം ആണ് ഇക്കാര്യം അറിയിച്ചത്. ചൊവ്വാഴ്ചയാണ് കപ്പല്‍ തട്ടിക്കൊണ്ടുപോയതെന്നാണ് ഏജന്‍സി വെബ്‌സൈറ്റില്‍ പറയുന്നത്. ബോണി ദ്വീപിന് സമീപത്തു വച്ചാണ് കപ്പൽ റാഞ്ചിയത്.കപ്പലിൽ 26 ജീവനക്കാരാണ് ഉണ്ടായിരുന്നത്.ഇതിൽ 18 പേരും ഇന്ത്യക്കാരാണ്.ജീവനക്കാര്‍ സുരക്ഷിതരാണെന്നാണ് പുറത്തു വരുന്ന വിവരങ്ങള്‍. ഇന്ത്യന്‍ എംബസി നൈജീരിയന്‍ അധികൃതരുമായി ബന്ധപ്പെട്ടിട്ടുണ്ട്. ഇന്ത്യക്കാരെ രക്ഷിക്കാന്‍ അവശ്യമായ നടപടികള്‍ സ്വീകരിച്ചതായി അധികൃതര്‍ പറഞ്ഞു.