കാസർകോഡ്:ബേക്കൽ കല്ലിങ്കാലിൽ വൻ മണൽ കടത്ത് പിടികൂടി.ഇന്ന് പുലർച്ചെ 3.30 മണിക്ക് കല്ലിങ്കാലിൽ വെച്ച് KL 10 W3364 നമ്പർ ടിപ്പർ ലോറിയിൽ കടത്തുകയായിരുന്ന മണൽ ബേക്കൽ CI നാരായണൻ,SI അജിത്‌ കുമാർ, സ്റ്റേഷൻ ഡ്രൈവർ വിജേഷ്, CPO ശശി കുമാർ എന്നിവരടങ്ങുന്ന സംഘമാണ് പിടികൂടിയത്.പോലീസ് ഓഫീസർമാരെ ആക്രമിച്ച് രക്ഷപെടാൻ ശ്രമിച്ച മണൽ മാഫിയയെ അതി സാഹസികമായി ജീവൻ പണയം വെച്ചാണ് പോലീസ് സംഘം പിടികൂടിയത്. ഇതിനു ശേഷം ഏകദേശം അഞ്ചുമണിയോടെ വീണ്ടും മണൽ കടത്താൻ ശ്രമമുണ്ടായി.KL58 D 1720 നമ്പർ ടിപ്പർ ലോറിയിൽ കടത്തുകയായിരുന്ന മണലും പോലീസ് സംഘം മുതിയക്കാൽ എന്ന സ്ഥലത്തുവെച്ച് അതിസാഹസികമായി പിടികൂടി.ഈ പ്രദേശത്ത് വൻതോതിൽ മണൽക്കൊള്ള നടക്കുകയാണ്. ഒട്ടേറെ ലോഡ് മണലാണ് പ്രദേശത്തുനിന്ന് കടത്തിക്കൊണ്ടുപോകുന്നത്. ഇതിനായി പ്രത്യേക സംഘങ്ങളാണ് ഇവിടെ പ്രവർത്തിക്കുന്നത്.രാത്രിയിലും പുലർച്ചെയുമാണ് മണൽകടത്ത് കൂടുതലായും നടക്കുന്നത്.മണൽ മാഫിയയ്‌ക്കെതിരെ ശക്തമായ നടപടി സ്വീകരിക്കുമെന്ന് ബേക്കൽ SHO നാരായണൻ അറിയിച്ചു.