ചെന്നൈ: ദളിത് യുവാവുമായി പ്രണയത്തിലായ പെണ്‍കുട്ടിയെ അമ്മ തീകൊളുത്തി കൊന്നു. 17കാരിയായ വാഴ്മംഗലം സ്വദേശിനി ജനനിയാണ് മരിച്ചത്. തീകൊളുത്തുന്നതിനിടെ ഗുരുതരമായി പൊള്ളലേറ്റ അമ്മ ഉമാമഹേശ്വരിയെ ആശുപത്രിയില്‍ പ്രവേശിപ്പിച്ചിരിക്കുകയാണ്.പ്ലസ് വണ്‍ വിദ്യാര്‍ത്ഥിയായിരുന്ന ജനനി ദളിത് യുവാവുമായി പ്രണയത്തിലാവുകയും ഇയാളുടെ കൂടെ പോകാന്‍ ശ്രമം നടത്തുകയും ചെയ്തിരുന്നു.എന്നാൽ ഇതിൽ നിന്നും വിലക്കി പെൺകുട്ടിയെ തിരികെ വീട്ടിലെത്തിച്ചെങ്കിലും ഇരുവരും തമ്മിൽ വീണ്ടും ബന്ധം തുടർന്നത് അമ്മയെ പ്രകോപിപ്പിക്കുകയായിരുന്നു.അമ്മയും മകളും തമ്മിലുള്ള വാക്കുതര്‍ക്കത്തിന് ഒടുവിലാണ് അമ്മ മണ്ണെണ്ണ ഒഴിച്ച്‌ തീകൊളുത്തിയതെന്ന് പോലീസ് പറഞ്ഞു.സംഭവത്തില്‍ പൊലീസ് കേസെടുത്ത് അന്വേഷണം ആരംഭിച്ചു.