കോയമ്പത്തൂര്‍: റെയില്‍വെ സ്റ്റേഷനിലെ പാര്‍സല്‍ സര്‍വീസ് കെട്ടിടം തകര്‍ന്ന് വീണ് രണ്ട് കരാര്‍ തൊഴിലാളികള്‍ മരിച്ചു. പവിഴമണി, ഇബ്രാഹിം മേട്ടുപാളയം എന്നിവരാണ് മരിച്ചത്. രാജു എന്ന തൊഴിലാളിക്ക് പരിക്കുണ്ട്.വ്യാഴാഴ്ച പുലര്‍ച്ചെ 3.30ഓടെയായിരുന്നു സംഭവം.റെയില്‍വെ അധികൃതര്‍ അറിയിച്ചതനുസരിച്ച്‌ 50ഓളം അഗ്നിശമന സേനാംഗങ്ങളും റെയില്‍വെ സുരക്ഷാസേനയും സ്ഥലത്തെത്തി രക്ഷാപ്രവർത്തനം നടത്തി.കെട്ടിടത്തിനകത്ത് അകപ്പെട്ട മൂന്ന് പേരെയും ഉടന്‍ തന്നെ കോയമ്പത്തൂര്‍ മെഡിക്കല്‍ കോളജ് ആശുപത്രിയിലെത്തിച്ചെങ്കിലും പവിഴമണിയുടേയും ഇബ്രാഹിമിേന്‍റയും ജീവന്‍ രക്ഷിക്കാനായില്ല. രാജുവിെന തീവ്ര പരിചരണ വിഭാഗത്തില്‍ പ്രവേശിപ്പിച്ചിരിക്കുകയാണ്.