ആലപ്പുഴ:ദേശീയപാതയിൽ അമ്പലപ്പുഴ പഴയങ്ങാടിക്ക് സമീപം ഇരുചക്രവാഹനത്തിന് പിന്നിൽ ചരക്കുലോറി ഇടിച്ച് 2 പേർ മരിച്ചു.കരൂര്‍ മഠത്തില്‍പറമ്പിൽ സജി യൂസഫ് (50), തോപ്പില്‍ വീട്ടില്‍ കുഞ്ഞുഹനീഫ ( 53) എന്നിവരാണ് മരിച്ചത്.യാത്രയ്ക്കിടെ മൊബൈല്‍ ഫോണ്‍ അറ്റന്‍ഡു ചെയ്യുന്നതിനായി സ്കൂട്ടർ വഴിയരികില്‍ നിര്‍ത്തിയപ്പോള്‍ പിന്നാലെ എത്തിയ വാഹനം ഇവരെ ഇടിച്ചു തെറിപ്പിക്കുകയായിരുന്നു.ചരക്ക് ലോറിക്ക് പിന്നില്‍ വന്ന മറ്റു 3 വാഹനങ്ങളും ഒന്നിനു പിന്നില്‍ മറ്റൊന്നായി ഇടിച്ചു. സാരമായി പരുക്കേറ്റ ഇരുവരും അപകട സ്ഥലത്തുതന്നെ മരണപ്പെട്ടു.