മാഞ്ചസ്റ്റർ:ലോകകപ്പ് ക്രിക്കറ്റിൽ ഇന്ത്യ-വെസ്റ്റ് ഇന്‍റീസ് പോരാട്ടം ഇന്ന് നടക്കും.മാഞ്ചസ്റ്ററിലെ ഓള്‍ഡ് ട്രാഫോഡില്‍ വൈകിട്ട് മൂന്നിനാണ് മത്സരം.ജയത്തോടെ സെമി പ്രവേശനം ഉറപ്പ് വരുത്തുകയാണ് ഇന്ത്യയുടെ ലക്ഷ്യം.പോയിന്‍റ് പട്ടികയില്‍ മൂന്നാം സ്ഥാനത്താണ് ഇന്ത്യ. നിലവിൽ മൂന്ന് പോയിന്റുമായി എട്ടാം സ്ഥാനത്താണ് വെസ്റ്റിൻഡീസ് ഇപ്പോൾ.ഈ കളി തോറ്റാല്‍ ലോകകപ്പില്‍ നിന്ന് പുറത്താകില്ലെങ്കിലും എല്ലാ കളികളും ജയിച്ച്‌ പോയന്റ് പട്ടികയില്‍ ഒന്നാമതെത്താന്‍ ശ്രമിക്കുന്ന ടീമെന്ന നിലയില്‍ ഇന്ത്യക്ക് ഈ മത്സരം ജയിക്കണം. ഈ കളി തോറ്റാല്‍ ലോകകപ്പില്‍ നിന്നു തന്നെ പുറത്താകുമെന്നതിനാല്‍ വെസ്റ്റീന്‍ഡീസീനും ഈ മത്സരം ജയിച്ചേ തീരൂ.ജയം മാത്രം ലക്ഷ്യമിട്ട് വിരാട് കോലിയുടെ സംഘവും ജാസണ്‍ ഹോള്‍ഡറിന്റെ സംഘവും മുഖാമുഖം വരുമ്ബോള്‍ മത്സരം ആവേശകരമാകുമെന്നതില്‍ തര്‍ക്കമില്ല. മാഞ്ചെസ്റ്ററിലെ ഓള്‍ഡ്ട്രാഫോഡില്‍ ഇന്ത്യന്‍ സമയം മൂന്നു മണിക്കാണ് മത്സരം തുടങ്ങുന്നത്.