തിരുവനന്തപുരം:തിരുവനന്തപുരം വട്ടപ്പാറയ്ക്ക് സമീപം രണ്ടു കെഎസ്‌ആര്‍ടിസി സൂപ്പര്‍ ഫാസ്റ്റ് ബസ്സുകള്‍ കൂട്ടിയിടിച്ച് അന്‍പതോളം യാത്രക്കാര്‍ക്ക് പരിക്ക്. ഇന്ന് പുലര്‍ച്ചയോടെയായിരുന്നു അപകടം.തിരുവനന്തപുരത്തു നിന്നും ഗുരുവായൂരിലേക്ക് പോകുകയായിരുന്ന സൂപ്പര്‍ ഫാസ്റ്റ് ബസ്സും കൊട്ടാരക്കരയില്‍ നിന്ന് തിരുവനന്തപുരത്തേക്ക് വരികയായിരുന്ന സൂപ്പര്‍ ഫാസ്റ്റ് ബസ്സും തമ്മിലാണ് കൂട്ടിയിടിച്ചത്.പരിക്കേറ്റ രണ്ടുപേരുടെ നില ഗുരുതരമാണെന്നാണ് സൂചന.അപകടം നടന്ന ഉടനെതന്നെ നാട്ടുകാരും വഴിപോക്കരും വട്ടപ്പാറ പൊലീസും ചേര്‍ന്ന് പരിക്കേറ്റവരെ ആശുപതിയിലെത്തിച്ചു.