തിരുവനന്തപുരം:ജൂലായ് മുതല്‍ സർക്കാർ ജീവനക്കാരുടെ ശമ്പളം ട്രഷറിയിലൂടെ മാത്രം.ശമ്പളം ട്രഷറി വഴി ലഭിക്കുന്നതിന് എല്ലാ ജീവനക്കാരും എംപ്ലായി ട്രഷറി സേവിംങ്‌സ് അക്കൗണ്ട് എടുക്കണമെന്ന് ധനവകുപ്പ് ഉത്തരവിറക്കി.സാമ്പത്തിക പ്രതിസന്ധിയുള്ളതിനാല്‍ മാസം ആദ്യം ട്രഷറികളില്‍ പണം ഉറപ്പാക്കാനാണ് പുതിയ പരിഷ്‌കാരം. ജീവനക്കാര്‍ പിന്‍വലിക്കാത്ത പണം സര്‍ക്കാരിന് പ്രയോജനപ്പെടും. മാസം ഏകദേശം 2500 കോടിരൂപയാണ് ജീവനക്കാരുടെ ശമ്പള ഇനത്തില്‍ ഉള്‍ക്കൊള്ളിച്ചിരിക്കുന്നത്.ശമ്പളം പിന്‍വലിക്കാതെ അക്കൗണ്ടില്‍ തന്നെ സൂക്ഷിക്കുന്നവര്‍ക്ക് പ്രത്യേക പലിശ നിരക്ക് ഏര്‍പ്പെടുത്താനും ആലോചനയുണ്ട്. ജീവനക്കാര്‍ക്ക് ചെക്കുവഴി ട്രഷറിയില്‍ നിന്നും പണം പിന്‍വലിക്കാം. ഇന്റര്നെറ്റ് ബാങ്കിങ് സൗകര്യവും നല്‍കും.