പത്തനംതിട്ട:അടൂരിലെ സ്വകാര്യ നഴ്സിംഗ് സ്ഥാപനത്തിൽ നിന്നും മൂന്ന് പെണ്‍കുട്ടികളെ കാണാതായി.സീതത്തോട്, മലപ്പുറം, പൂനെ സ്വദേശിനികളായ മൂന്ന് പെൺകുട്ടികളെയാണ് കാണാതായത്. പെൺകുട്ടികളെ കാണാനില്ലെന്ന് കാട്ടി ഹോസ്റ്റൽ വാർഡൻ അടൂർ പൊലീസിൽ പരാതി നൽകി.ഇന്നലെ വൈകിട്ട് സൂപ്പർ മാർക്കറ്റിലേക്ക് പോകുകയാണെന്ന് പറഞ്ഞാണ് പെൺകുട്ടികൾ ഹോസ്റ്റിൽ നിന്ന് ഇറങ്ങിയത്.രാത്രി വൈകിയും മൂന്ന് പേരെയും കാണാത്തതിനെ തുടർന്ന് ഹോസ്റ്റൽ വാർഡൻ അടൂർ പൊലീസിൽ പരാതി നൽകുകയായിരുന്നു. അടൂർ പൊലീസ് കേസെടുത്ത് അന്വേഷണം ആരംഭിച്ചു.മൂന്ന് പെൺകുട്ടികളുടെയും മൊബൈൽ ഫോൺ സ്വിച്ച് ഓഫ് ആണ്. മലപ്പുറം സ്വദേശിയായ പെൺകുട്ടിയുടെ ബന്ധുവിനെയും ഇവർക്കൊപ്പം കാണാതായിട്ടുണ്ട്. ഇവർ കേരളം വിട്ടതായി സൂചന ലഭിച്ചെന്ന് പൊലീസ് പറഞ്ഞു.