എറണാകുളം:കൊച്ചി സിറ്റി സെന്‍ട്രല്‍ സി.ഐ വി.എസ് നവാസിനെ കാണാനില്ലെന്ന് പരാതി. ഇന്നലെ പുലര്‍ച്ചെ മുതല്‍ സി.ഐയെ കാണാനില്ലെന്ന് കാണിച്ച് ഭാര്യയാണ് പൊലീസിനെ സമീപിച്ചത്. ഇതേ തുടര്‍ന്ന് എഫ്.ഐ.ആര്‍ രജിസ്റ്റര്‍ ചെയ്ത് അന്വേഷണം തുടങ്ങിയതായി ഇന്ന് രാവിലെ ചുമതലയേറ്റ കൊച്ചി സിറ്റി പോലീസ് കമ്മീഷണര്‍ ഐ.ജി വിജയ് സാക്കറെ അറിയിച്ചു.പുലർച്ചെ മൂന്നു മണിയ്ക്ക് സ്റ്റേഷനിലെത്തി ഔദ്യോഗിക സിമ്മും വയർലസ് സെറ്റും പൊലീസ് ജീപ്പിന്റെ താക്കോലും ഏൽപ്പിച്ച ശേഷം നവാസ് പോവുകയായിരുന്നു. താൻ പോകുന്നുവെന്ന് ഭാര്യയുടെ ഫോണിലേക്ക് സി.ഐ സന്ദേശവും അയച്ചിരുന്നു. മേലുദ്യോഗസ്ഥനും നവാസും തമ്മില്‍ വാക്കുതര്‍ക്കം ഉണ്ടായിരുന്നുവെന്നും ഇതിന്റെ പേരില്‍ നവാസ് മാനസിക സമ്മര്‍ദം അനുഭവിച്ചിരുന്നതായും ആരോപണം ഉണ്ട്. നവാസിന്റെ തിരോധാനത്തിന് പിന്നില്‍ മേലുദ്യോഗസ്ഥന്റെ മാനസിക പീഡനമാണെന്നാണ് കുടുംബത്തിന്റെ ആരോപണം.ഇത് ചൂണ്ടിക്കാട്ടി എ.സി.പിക്കെതിരെ ഭാര്യ മുഖ്യമന്ത്രിക്ക് പരാതി നൽകി. എ.സി.പി വയർലെസിലൂടെ വ്യക്തിഹത്യ നടത്തുകയും മോശമായി സംസാരിച്ചെന്നും പാരാതിയില്‍ പറയുന്നു.