കണ്ണൂർ:കാലവർഷം ആരംഭിച്ചതോടെ കണ്ണൂർ ജില്ലയിൽ പലയിടത്തും കടലേറ്റം രൂക്ഷമായി.പയ്യാമ്പലം ബീച്ചിൽ കടലേറ്റത്തിൽ വൻ തോതിൽ കര കടലെടുത്തു.വിനോദ സഞ്ചാരികൾക്കായി നിർമിച്ച നടപ്പാതയടക്കം കടലേറ്റത്തെ തുടർന്ന് തകർന്നു.ടൂറിസം പ്രൊമോഷൻ കൗൺസിൽ സ്ഥാപിച്ച ഫോട്ടോ ഫ്രെയിം,സുരക്ഷാ ബോർഡുകൾ തുടങ്ങിയവയും കടലേറ്റത്തിൽ നശിച്ചു.കാലവർഷത്തിന്റെ തുടക്കത്തിൽ ഇത്ര ശക്തമായ കടലേറ്റമുണ്ടാകുന്നത് ഇത് ആദ്യമായാണെന്ന് നാട്ടുകാർ പറഞ്ഞു.കടൽക്ഷോഭം രൂക്ഷമായ പുതിയങ്ങാടി അടക്കമുള്ള തീരപ്രദേശത്തെ നിന്നും താമസക്കാരെ മാറ്റിപാർപ്പിക്കാൻ കലക്റ്റർ നിർദേശം നൽകിയിട്ടുണ്ട്. ഇന്നലെ ഉച്ചയോടെയാണ് കണ്ണൂർ സിറ്റി,പയ്യാമ്പലം,പുതിയങ്ങാടി എന്നിവിടങ്ങളിൽ രൂക്ഷമായ കടലേറ്റമുണ്ടായത്.