ഇറ്റാനഗർ:അരുണാചൽ പ്രദേശിൽ നിന്നും കാണാതായ ഇന്ത്യൻ വ്യോമസേനാ വിമാനത്തിൽ മലയാളിയും.വ്യോമസേന ഉദ്യോഗസ്ഥനായ കൊല്ലം അഞ്ചൽ സ്വദേശി അനൂപ് കുമാറാണ്(29) കാണാതായ എ എൻ 32 വിമാനത്തിൽ ഉണ്ടായിരുന്നത്.11 വര്‍ഷമായി സൈന്യത്തിൽ സേവനമനുഷ്ഠിച്ച് വരികയായിരുന്നു അനൂപ്.ഒന്നരമാസം മുൻപ് അവധിക്ക് നാട്ടിലെത്തിയിരുന്നു.ഭാര്യ വൃന്ദ. ആറുമാസം പ്രായമായ കുട്ടിയുമുണ്ട്. അസമിൽ നിന്ന് അരുണാചൽ പ്രദേശിലേക്കുള്ള യാത്രാ മധ്യേ തിങ്കളാഴ്ചയാണ് വിമാനം കാണാതായത്. വിമാനത്തിനായുള്ള തിരച്ചിൽ തുടരുകയാണെന്നും വിമാനം തകര്‍ന്നുവീണതിന്റെ അവശിഷ്ടങ്ങളോ മറ്റു വിവരങ്ങളോ കിട്ടിയിട്ടില്ലെന്നും വ്യോമസേനാ അധികൃതര്‍ അറിയിച്ചു.