പാലക്കാട്:പാലക്കാട് കൊടുവായൂരിൽ നിന്നും കുടുംബശ്രീയുടെ നേതൃത്വത്തില്‍ മധുരയിലേക്ക് വിനോദയാത്രക്ക് പോയ ബസ് മറിഞ്ഞ് 3 മരണം.കൊടുവായൂർ സ്വദേശികളായ സരോജിനി, പെട്ടന്മാൾ,കുനിശ്ശേരി സ്വദേശി നിഖില എന്നിവരാണ് മരിച്ചത്. ഇന്ന് പുലര്‍ച്ചെയാണ് അപകടം നടന്നത്.മധുര, രാമേശ്വരം എന്നീ സ്ഥലങ്ങളിലേക്ക് കുടുംബശ്രീ അംഗങ്ങള്‍ വിനോദയാത്ര പുറപ്പെട്ട ബസാണ് അപകടത്തില്‍പ്പെട്ടത്.35 പേര്‍ ബസിലുണ്ടായിരുന്നുവെന്നാണ് സൂചന. മധുരയെത്തും മുൻപ് ബസ് നിയന്ത്രണം വിട്ട് മറിയുകയായിരുന്നു.