ന്യൂഡൽഹി:ഡല്‍ഹിൽ മെട്രോയിലും ബസിലും സ്ത്രീകള്‍ക്ക് ഇനിമുതൽ സൗജന്യ യാത്ര. ഡല്‍ഹി മുഖ്യമന്ത്രി അരവിന്ദ് കെജ്‌രിവാളാണ് പദ്ധതി പ്രഖ്യാപിച്ചത്.തീരുമാനം മൂന്ന് മാസത്തിനുള്ളില്‍ നടപ്പില്‍ വരും.സ്ത്രീകളുടെ സുരക്ഷിത യാത്രക്കും യാത്രാ ചെലവ് ഗണ്യമായി കുറക്കുന്നതിനുമാണ് പദ്ധതി നടപ്പില്‍ വരുത്തുന്നതെന്ന് കെജ്‍രിവാള്‍ വ്യക്തമാക്കി.പദ്ധതി അനുസരിച്ച് മെട്രോ, ഡല്‍ഹി ട്രാന്‍സ്പോര്‍ട്ട് കോര്‍പ്പറേഷന്‍ ബസുകള്‍, ക്ലസ്റ്റര്‍ ബസുകള്‍ തുടങ്ങിയവയിലൂടെ സ്ത്രീകള്‍ക്ക് സൗജന്യമായി യാത്ര ചെയ്യാം. 700 കോടി സംസ്ഥാന സര്‍ക്കാരിന് ഈ വര്‍ഷം ചെലവ് വരുമെന്നാണ് കണക്കാക്കുന്നത്.അടുത്ത വര്‍ഷം ഡല്‍ഹി നിയമസഭാ തെര‍ഞ്ഞെടുപ്പ് നടക്കാനിരിക്കെയാണ് ആം ആദ്മി സര്‍ക്കാരിന്‍റെ പ്രഖ്യാപനം. ജനപ്രിയ പ്രഖ്യാപനത്തിലൂടെ ലോക്സഭ തെരഞ്ഞെടുപ്പില് ആം ആദ്മി പാര്‍ട്ടിക്ക് ഏറ്റ തിരിച്ചടി മറികടന്ന് നിയമസഭാ തെരഞ്ഞെടുപ്പില് നേട്ടം കൊയ്യുകയാണ് എ.എ.പിയുടെ ലക്ഷ്യം.