തിരുവനന്തപുരം:സംസ്ഥാനത്ത് പ്രളയ സെസ് ഈടാക്കുന്നത് ഒരു മാസത്തേക്ക് മാറ്റിവെച്ചു. നേരത്തെ ജൂൺ ഒന്ന് മുതൽ പ്രളയ സെസ് ഈടാക്കാനായിരുന്നു തീരുമാനിച്ചിരുന്നത്.സെസിന് മേൽ ജിഎസ്ടി വരുന്ന സാഹചര്യത്തിലാണ് പുതിയ തീരുമാനം.പ്രളയ സെസിന് മേലും ജിഎസ്ടി വരുന്ന സാഹചര്യത്തിൽ ഇത് ഒഴിവാക്കുന്നതിനായി ജിഎസ്ടി കൗൺസിലിന്റെ വിജ്ഞാപനം വേണ്ടിവരും.അതിനാൽ വിജ്ഞാപനം ഇറങ്ങിയ ശേഷം സെസ് ഏർപ്പെടുത്തിയാൽ മതിയെന്ന തീരുമാനത്തെ തുടർന്നാണ് സെസ് ഏർപ്പെടുത്തുന്നത് ജൂലൈ ഒന്നിലേക്ക് മാറ്റിയത്.സെസ് ഏർപ്പെടുത്തുമ്പോൾ സെസും ഉൽപ്പന്നവിലയും ചേർത്തുള്ള തുകയ്ക്ക് മേലായിരിക്കും ജിഎസ്ടി ചുമത്തുകയെന്നാണ് സംസ്ഥാന സർക്കാർ പുറത്തിറക്കിയ വിജ്ഞാപനത്തിൽ പറഞ്ഞിരുന്നത്. ഇത് ഉൽപ്പന്നങ്ങൾക്ക് പ്രതീക്ഷിച്ചതിനേക്കാൾ വിലയുയർത്തുമെന്ന സാഹചര്യത്തിലാണ് തീരുമാനം.