ന്യൂഡൽഹി:ലോക്‌സഭാ ഇലക്ഷന്റെ അഞ്ചാംഘട്ട വോട്ടെടുപ്പിനിടെ പരക്കെ സംഘർഷം.കശ്മീരിലെ പുൽവാമയിലെ പോളിങ് ബൂത്തിനുനേരെ ഗ്രനേഡാക്രമണം. അനന്ത്നാഗ് മണ്ഡലത്തിലെ പോളിങ് പുരോഗമിക്കുന്നതിനിടെയാണ് അക്രമം ഉണ്ടായത്. സംഭവത്തിൽ ആർക്കും പരിക്കേറ്റതായി റിപ്പോർട്ടുകളില്ല.പ്രദേശത്ത് സൈന്യം സുരക്ഷാ ശക്തമാക്കിയിട്ടുണ്ട്. ഉത്തര്‍പ്രദേശ് (14), രാജസ്ഥാന്‍ (12), ബംഗാള്‍ (7), മദ്ധ്യപ്രദേശ് (7), ബിഹാര്‍ (5), ജാര്‍ഖണ്ഡ് (4), ജമ്മുകാശ്മീര്‍ (2) എന്നീ സംസ്ഥാനങ്ങളിലാണ് അഞ്ചാംഘട്ട വോട്ടെടുപ്പ് പുരോഗമിക്കുന്നത്.യു.പി.എ. അദ്ധ്യക്ഷ സോണിയാ ഗാന്ധി, കോണ്‍ഗ്രസ് അദ്ധ്യക്ഷന്‍ രാഹുല്‍ ഗാന്ധി, കേന്ദ്ര മന്ത്രിമാരായ രാജ്‌നാഥ് സിംഗ്, സ്മൃതി ഇറാനി, രാജീവ് പ്രതാപ് റൂഡി, ജയന്ത് സിന്‍ഹ, രാജ്യവര്‍ധന്‍ സിംഗ് റാത്തോഡ്, അര്‍ജുന്‍ റാം മേഘ്‌വാള്‍ തുടങ്ങിയവരാണ് ജനവിധി തേടുന്ന പ്രമുഖര്‍.