കണ്ണൂർ:കണ്ണപുരം റെയിൽവേ സ്റ്റേഷന് സമീപം ആക്രിക്കടയിൽ വൻ തീപിടുത്തം.ഇന്നലെ വൈകുന്നേരം ആറുമണിയോടെയാണ് റെയിൽവേ സ്റ്റേഷന് സമീപത്തെ ജബ്ബാറിന്റെ ആക്രിക്കടയിൽ തീപിടുത്തമുണ്ടായത്.കണ്ണൂർ,തളിപ്പറമ്പ് എന്നിവിടങ്ങളിൽ നിന്നെത്തിയ അഗ്നിശമനസേനാംഗങ്ങൾ മൂന്നു മണിക്കൂർ പരിശ്രമിച്ചാണ് തീ നിയന്ത്രണവിധേയമാക്കിയത്. കടയിൽ സൂക്ഷിച്ചിരുന്ന റെഫ്രിജറേറ്ററുകളുടെ ഗ്യാസ് സിലിണ്ടറുകൾ ഉൾപ്പെടെയുള്ളവ പൊട്ടിത്തെറിച്ചത് പരിഭ്രാന്തി പടർത്തി.തീയണയ്ക്കാൻ ശ്രമിക്കുന്നതിനിടെ പലർക്കും പൊള്ളലേറ്റു.ടയർ,പ്ലാസ്റ്റിക് കത്തിയുണ്ടായ പുക അന്തരീക്ഷത്തിൽ പടർന്നത് കൂടുതൽ ദുരിതമുണ്ടാക്കി.അപകടത്തെ തുടർന്ന് സമീപത്തെ വൈദ്യുതി വിച്ഛേദിച്ചു.