കണ്ണൂർ:പൊതുമേഖലാ സ്ഥാപനമായ അഴീക്കൽ സിൽക്കിൽ പൊളിക്കാൻ കൊണ്ടുവന്ന കപ്പലിന് തീപിടിച്ചു.ഞായറഴ്ച രാത്രി പത്തുമണിയോടെയാണ് സംഭവം.മാലിദ്വീപിൽ നിന്നും എത്തിച്ച ഹൊറൈസൺ ഫിഷറീസിന്റെ ‘ദിവാലി 107’ എന്ന ചരക്കുകപ്പലിനാണ് തീപിടിച്ചത്.കപ്പലിന്റെ മുകൾത്തട്ടിലെ ഡക്കിലാണ് അഗ്നിബാധ ഉണ്ടായത്.കണ്ണൂരിൽ നിന്നും അസി.ഫയർ സ്റ്റേഷൻ ഓഫീസർ ടി.അജയന്റെ നേതൃത്വത്തിലുള്ള സംഘം സ്ഥലത്തെത്തി തീയണച്ചു.തീപിടുത്തത്തിന്റെ കാരണം വ്യക്തമായിട്ടില്ല.മാലിദ്വീപിൽ നിന്നും മൂന്നു കപ്പലുകളാണ് പൊളിക്കാനായി സിൽക്കിലെത്തിച്ചത്‌.ഇതിൽ ഒരു കപ്പൽ മുക്കാൽ ഭാഗത്തോളം പൊളിച്ചു. പൊളിച്ചുകൊണ്ടിരുന്ന രണ്ടാമത്തെ കപ്പലിനാണ് തീപിടിച്ചത്.