കണ്ണൂർ:കണ്ണൂർ മുണ്ടയാട്ട് കാറുകൾ തമ്മിൽ കൂട്ടിയിടിച്ച് രണ്ട് യുവാക്കൾ മരിച്ചു.ഞായറഴ്ച പുലർച്ചെ ഒന്നരയോടുകൂടി ചൊവ്വ-മട്ടന്നൂർ ഹൈവേയിലായിരുന്നു അപകടം.ചക്കരക്കൽ മൗവ്വഞ്ചേരി മാച്ചേരി സ്വദേശി പ്രാർത്ഥനയിൽ പ്രഭാകരൻ – ലീന ദമ്പതികളുടെ മകൻ ലിബീഷ് (25), എടയന്നൂർ കാനാട്ട് സ്വദേശി രാജന്റെയും അനിതയുടെയും മകൻ നെല്ലിത്തറയിൽ ഷിബിൻ (24) എന്നിവരാണ് മരിച്ചത്. ലിബീഷിന്റെ കൂടെ കാറിൽ ഉണ്ടായിരുന്ന അമൽമോഹൻ, ഋഷികേശ് എന്നിവർക്കും ഷിബിനൊപ്പം കാറിൽ ഉണ്ടായിരുന്ന എടയന്നൂർ സ്വദേശികളായ അഖിൽ, നിധിൻ, ജിജിത്ത് എന്നിവർക്കുമാണ് പരിക്കേറ്റത്.ഇവരെ പരിയാരം മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു.ഷിബിൻ സഞ്ചരിച്ച കാർ കണ്ണൂരിൽ നിന്നും എടയന്നൂരിലേക്കും ലിബീഷ് സഞ്ചരിച്ച കാർ എച്ചൂരിൽ നിന്നും ചൊവ്വയിലേക്കും പോവുകയായിരുന്നു.രണ്ടു കാറുകളും നേർക്കുനേർ കൂട്ടിയിടിക്കുകയാണ് ഉണ്ടായത്.ശക്തമായ കൂട്ടിയിടിയിൽ കാറുകൾ പൂർണ്ണമായും തകർന്നു.ഇടിയുടെ ശക്തിയിൽ ലിബീഷ് സഞ്ചരിച്ച കാർ റോഡിൽ തലകീഴായി മറിഞ്ഞു.കാറുകൾക്ക് അകത്തു കുടുങ്ങിയ യാത്രക്കാരെ അഗ്നിശമനസേനയും നാട്ടുകാരും ചേർന്ന് വാഹനം പൊളിച്ചാണ് പുറത്തെടുത്തത്.