ചെന്നൈ:ചെന്നൈയിൽ പോരൂർ എസ്.ആർ.എം.സി കോളേജിന് സമീപം നിർത്തിയിട്ടിരുന്ന 184 കാറുകൾ കത്തിനശിച്ചു.ഞായറാഴ്ചയാണ് സംഭവം.കോൾ ടാക്സി കമ്പനിയുടെ കാറുകളാണ് കത്തിനശിച്ചത്.സമീപത്തെ മാലിന്യത്തിൽ നിന്നും തീ കാറിലേക്ക് പടർന്നുപിടിച്ചതാണ് കാരണം. കാറുകളുടെ ടയറുകൾ,പെട്രോൾ,ഗ്യാസ് ടാങ്കുകൾ,എന്നിവ വൻ ശബ്ദത്തോടെ പൊട്ടിത്തെറിക്കുകയായിരുന്നു.മിനിറ്റുകൾക്കുള്ളിൽ നൂറിലധികം കാറുകളിലേക്ക് തീ പടരുകയായിരുന്നു.50 അഗ്‌നിശമന സേന വാഹനങ്ങളും ടാങ്കർ ലോറികളും തീയണയ്ക്കാൻ എത്തി.തീയണയ്ക്കുന്നതിനിടെ ഏതാനും അഗ്നിശമനസേനാംഗങ്ങൾക്കും പൊള്ളലേറ്റു.