ന്യൂഡൽഹി:ഡൽഹിയിൽ വീണ്ടും അഗ്‌നിബാധ.നരേയ്‌ന വ്യാപാരമേഖലയിലെ പേപ്പർ ഫാക്റ്ററിയിൽ വ്യാഴാഴ്ച പുലർച്ചെ ഏഴുമണിയോടെയാണ് തീപിടുത്തമുണ്ടായത്.കെട്ടിടത്തിന്റെ മുകളിലത്തെ നിലയിലാണ് അഗ്‌നിബാധ ഉണ്ടായത്.ആളപായം റിപ്പോർട്ട് ചെയ്തിട്ടില്ല. തീപിടുത്തത്തിന്റെ കാരണം അറിവായിട്ടില്ല.കഴിഞ്ഞ ചൊവ്വാഴ്ച ഡൽഹിയിൽ കരോള്‍ബാഗിലെ ഹോട്ടലില്‍ ഉണ്ടായ തീപിടുത്തത്തില്‍ മൂന്ന് മലയാളികളടക്കം 17 പേര്‍ മരിച്ചിരുന്നു. ഇന്നലെ പശ്ചിംപുരിയിലെ ചേരിയില്‍ ഉണ്ടായ തീപിടുത്തത്തില്‍ 200ലധികം കുടിലുകളും കത്തി നശിച്ചിരുന്നു.