കാസർകോഡ്:110 കിലോ കഞ്ചാവുമായി കാസർകോട്ട് യുവാവ് പിടിയിൽ.കുന്നുംകൈ സ്വദേശി നൗഫലിനെ (35)യാണ് വെസ്റ്റ് എളേരി പൂങ്ങോടു വെച്ച്‌ പോലീസ് പിടികൂടിയത്. ഞായറാഴ്ച വൈകിട്ട് 6.30 മണിയോടെയാണ് സംഭവം. നൗഫലിനൊപ്പമുണ്ടായിരുന്ന മറ്റൊരാള്‍ പോലീസിനെ കണ്ട് ഓടിരക്ഷപ്പെട്ടു.ജില്ലാ പോലീസ് ചീഫിന് ലഭിച്ച രഹസ്യവിവരത്തിന്റെ അടിസ്ഥാനത്തില്‍ ചിറ്റാരിക്കാല്‍ പോലീസ് നടത്തിയ പരിശോധനയിലാണ് ഇന്നോവ കാറില്‍ കടത്താന്‍ ശ്രമിച്ച 110 കിലോ കഞ്ചാവുമായി യുവാവിനെ പിടികൂടിയത്.കാറിന്റെ പിറകിലെ ഡിക്കിയില്‍ ഓരോ കിലോയുടെ പായ്‌ക്കറ്റുകളിലാക്കി സൂക്ഷിച്ച നിലയിലായിരുന്നു കഞ്ചാവ്.കര്‍ണാടകയില്‍ നിന്നാണ് കഞ്ചാവ് കടത്തി കൊണ്ടുവന്നതെന്നാണ് വിവരം.അറസ്റ്റിലായ നൗഫലിനെ പോലീസ് വിശദമായി ചോദ്യം ചെയ്ത് വരികയാണ്.